¨°o.O أســـ مصر ــــــود O.o°¨


مرحبا بك عزيزي الزائر
المرجوا منك ان تعرف بنفسك وتدخل معنا المنتدى
إذا لم يكن لديك حساب بعد
نتشرف بدعوتك لإنشائه
مدير الموقع


أفلام , ألعاب , برامج , مسلسلات , مسرحيات , صوتيات ومرئيات إسلامية , وكمان أحلى الاعضاء
 
الرئيسيةبحـثالتسجيلدخول

شاطر | 
 

 حوار عام 2052 ادخل وشوف العجب

اذهب الى الأسفل 
كاتب الموضوعرسالة
fr3oon
نائب السلطان
ومشرف منتدى الشعر والخواطر
نائب السلطانومشرف منتدى الشعر والخواطر
avatar

كيف تعرفت علينا : جوجل
الجوزاء التِنِّين
عدد المساهمات : 83
العمر : 30
العمل/الترفيه : الكمبيوتر والانترنت
جنسيتك : مصري
المهنة :
مزاجك ايه :
الهواية :
نقاط : 18075
السٌّمعَة : 2
وسام :
 توقيع المنتدى : توقيع المنتدى

مُساهمةموضوع: حوار عام 2052 ادخل وشوف العجب   الثلاثاء أبريل 07, 2009 1:38 pm

الزمان يوم من أيام صيف عام 2052

حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:

__________________________________________________
________

الحفيدة: تيته ميرو إزيك..بقى لي زمان ما قعدتش معاكي

الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

الحفيدة: ومابتفتحيش الدش ليه يا تيته

الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة: معقول يا تيته؟ للدرجة الفظيعة دي!!؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!

الحفيدة : وبعدين ياتيته

الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)

الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

الحفيدة : 70 مليون بس؟!!

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !

الحفيدة : ياي! ده انتوا كنتوا متزمتين خالص ياتيته !!!

الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: (تنهض من مكانها) تشاو سي يو تيته!

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة

و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

الحفيدة : سميناه (دوت كوم) ..

الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

الجدة: وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة! إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان

- واشنطن تتهم ليبيا بتفجير سفينة فضاء فوق كوكب المريخ

- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

- موافقة مجلس الشعب أخيرا على خصخصة معبد الكرنك

أخبار عربية:

- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل

- سيريلانكا والفلبين تطرد خمسة آلاف خادمة كويتية

- إسرائيل ترفض الإنسحاب من البصرة إلا بعد ضمان أمن مستوطناتها في بغداد

- اشتباكات على الحدود الإسرائيلية المغربية

أخبار الفن

- زفاف المطربة صباح على حفيد الفنان الراحل راغب علامة

- رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية

- الفنان محمد هنيدي يهاجم نجوم الكوميديا الجدد

المذيعة: فينيش باي

الجدة: لأ بقى حسبي الله ونعم الوكيل فيكم فعلا! (يغمى عليها)

الحفيدة : تيته..تيته!!

_________________
مـــــــ تحياتي ــــــــع
The Fr3oon



الرجوع الى أعلى الصفحة اذهب الى الأسفل
msi
مشرف
مشرف
avatar

كيف تعرفت علينا : صديق
الجوزاء الحصان
عدد المساهمات : 498
العمر : 28
العمل/الترفيه : م/ محمد سلامة مبرمج كمبيوتر(v.p _قواعد بينات_الخ.........) بشركة مصر فودز بــ 6 اكتوبر
الجنس : ذكر
جنسيتك : مصري
علم دولتك :
المهنة :
مزاجك ايه :
الهواية :
نقاط : 19180
السٌّمعَة : 4
وسام :
 توقيع المنتدى : توقيع المنتدى

مُساهمةموضوع: رد: حوار عام 2052 ادخل وشوف العجب   الثلاثاء أبريل 07, 2009 4:28 pm

مشكور يا احمد الموضوع بجد مضحك
ارجو منك المزيد تقبل مرورى
مع تحياتى
حماقى
(MSI)
الرجوع الى أعلى الصفحة اذهب الى الأسفل
http://4myegy.hooxs.com
lolasalah
بدأ يورينا شغله اهو
بدأ يورينا شغله اهو
avatar

كيف تعرفت علينا : الياهوو
العذراء الحصان
عدد المساهمات : 51
العمر : 28
العمل/الترفيه : بحارة
الجنس : انثى
جنسيتك : مصرية
علم دولتك :
المهنة :
مزاجك ايه :
الهواية :
نقاط : 17835
السٌّمعَة : 3
وسام :
 توقيع المنتدى : توقيع المنتدى

مُساهمةموضوع: رد: حوار عام 2052 ادخل وشوف العجب   الإثنين أبريل 13, 2009 3:45 pm

بسم الله الرحمن الرحيم

موضوع جميل وقصته مضحكة

شكرا علي هذا الموضوع

مع تحياتي
الرجوع الى أعلى الصفحة اذهب الى الأسفل
بازليا
مشرفة عامة
ومشرفة منتدى الأبراج
مشرفة عامة ومشرفة منتدى الأبراج
avatar

كيف تعرفت علينا : جوجل
عدد المساهمات : 462
الجنس : انثى
جنسيتك : مصرية
علم دولتك :
المهنة :
مزاجك ايه :
الهواية :
نقاط : 18959
السٌّمعَة : 6
وسام :
 توقيع المنتدى : توقيع المنتدى

مُساهمةموضوع: رد: حوار عام 2052 ادخل وشوف العجب   الخميس أبريل 16, 2009 9:51 pm

ههههههههههههههههههههههههههههههههههههههههه

يا موضوعاتك يا فرعون

فعلا موضوع مضحك جدا

ننتظر منك المزيد

بـــــــــــــازليا
الرجوع الى أعلى الصفحة اذهب الى الأسفل
مرمر
شبل جديد
شبل جديد
avatar

كيف تعرفت علينا : صديق
الميزان القط
عدد المساهمات : 3
العمر : 31
العمل/الترفيه : طالبه
الجنس : انثى
جنسيتك : انثى
علم دولتك :
المهنة :
مزاجك ايه :
الهواية :
نقاط : 17581
السٌّمعَة : 0
 توقيع المنتدى : توقيع المنتدى

مُساهمةموضوع: رد: حوار عام 2052 ادخل وشوف العجب   الأربعاء مايو 06, 2009 2:38 am

هههههههههههههههههههههههههههه تسلم يدك على الموضوع الجامد
وربنا يستر من 2052 ههههههههههههههههههههههههههه
وتقبل مرورى
الرجوع الى أعلى الصفحة اذهب الى الأسفل
ahmedshaker88
نائب الوالي
ومشرف منتدى الحوار العام
نائب الواليومشرف منتدى الحوار العام
avatar

كيف تعرفت علينا : آخر
الميزان التِنِّين
عدد المساهمات : 107
العمر : 30
العمل/الترفيه : طالب
الجنس : ذكر
جنسيتك : مصري
علم دولتك :
المهنة :
مزاجك ايه :
الهواية :
نقاط : 18038
السٌّمعَة : 1
وسام :
 توقيع المنتدى : توقيع المنتدى

مُساهمةموضوع: رد: حوار عام 2052 ادخل وشوف العجب   الخميس مايو 07, 2009 11:20 am

تسلم الايادى يا أبوحميد يا جامد وفعلا ربنا يسترها بس لاحنا لازم نتفائل خير
الرجوع الى أعلى الصفحة اذهب الى الأسفل
http://www.qurantv.com
 
حوار عام 2052 ادخل وشوف العجب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
¨°o.O أســـ مصر ــــــود O.o°¨ :: «®°·.¸.•°°·.¸.•°™ 5 فرفشة™°·.¸.•°°·.¸.•°®» :: الضحك والفرفشة-
انتقل الى: